Häärzligg willkomme

No zwai Joor intensiver und erfolgryycher Partnerschaft sin baidi «Gugge» Mohrekopf und Messingkäfer e groosse Schritt wyter ko und hän gmainsam beschlosse, ass mir zämme fusioniere dien! Esoo isch unseri neyi Websytte entstande. Es steggt sehr vyyl Härzbluet in deere Websytte und mi mechte unsere Macher e groosses Danggscheen usspräche.

wotsch no mee erfaare

Mitgliider

Bisch Du e Männli yyber 14 Joor oder älter, hesch Fraid anere Guggemuusig und bisch uff dr Suechi noo ere feine Gugge, wo me au d Frindschaft duet pflääge, denn bisch Du bi uns genau richtig!

Miir sin e Guggemuusig, wo no alter Dradizioon d Fasnacht läbt, pflägt und sich jeedes Joor muusikaalisch wyterentwigglet.

Fir folgendi Regischter sueche miir verstärggig: Drumpeete, Phosuune und Heernli

Wenn Du, joo, genau Du, Luscht und Fraid hesch, mit uns zämme Fasnacht z mache, denn kumm doch zu uns in Guggekäller an dr Glyybeggstrooss 15, Basel im 2. UG,
oder mäld di bi einem vo unserem Vorstandsmitgliider!

Du kasch gäärn emool ganz unverbindligg ko yyneluege, zueloose und Aine nee.

wotsch no mee erfaare

Guggekäller Messingkopf

An dr Fasnacht nit wyt wäg vo dr Route ässe? Gnueg Platz fir 100 Bersoone in ere loggere Atmosphäre? Alles das - und vyyles mee - biete mer Dir:
in unserm Guggekäller "Messingkopf"!

Ideal fir Cliquen und Gugge, fir e Midaag- oder Nachtässe!

Dr Guggekäller isch im Härze vom Glaibasel an dr Glyybeggstrooss 15, im 2. UG.
Es het e Lift und es isch nur 5 Minute vom Glaarablatz ewäg.

 

 

wotsch no mee erfaare